Hari itu mang Juned lagi semangat-semangatnyo nian jadi sopir taksi. Maklomlah, bawaannyo bae mobil taksi sedan. Caro sopir kota nian pecaknyo.
Mangkal di bandara, mang juned dapet penumpang. Ladas ati mang Juned betambah besak. Apolagi penumpangnyo cewek belagak pulo. Nah nah nah..pikiran mang Juned nak cewek tulah.
Tapi dasar mang Juned, ladas jingok cewek belagak tapi dak berani ngajak ngobrol. Sepanjang jalan mang Juned tegang nian. Tekeringet dingin nyocor galo. Padahal penumpangnyo duduk di belakang.
Sudah bejalan sekian lamo, penumpang cewek itu nepuk pundak mang Juned nak betanyo samo mang Juned. Tau-tau reaksinyo idak disangko nian. Mang Juned tekejut bukan kepalang sampai dak sengajo tepijak gas lebih dalam dan hampir bae tetabrak mobil laen. Tapi akhirnyo dio biso nguasai kemudi dan menghentikan mobilnyo di pinggir jalan.
"Tolong dek, jangan nian nepak cak itu lagi," kato mang Juned dengen muko pucat pasi nahan marah.
"Maaf nian mang, aku idak bemaksud ngejutke mamang. Aku idak nyangko nian kalo nepuk pundak mamang bae, mamang pacak tekejut pecak itu."
"Persoalannyo cak ini dek, hari ini ni hari pertamo aku jadi sopir taksi. Nah, adek jugo penumpang pertamo aku."
"Ohhh cak itu. Trus ngapo pacak kaget cak itu mang?"
"Kareno sebelumnyo aku ni sopir mobil jenazah."
Tag :
Humor Palembang
0 Komentar untuk "Humor Palembang | Pindah Profesi Jadi Sopir Taksi"