Humor Palembang | Kayo Tujuh Turunan

15 Okt 2015

Bagikan :

Tweet

Di tengah kota Palembang, di lorong sempit, Oden dan Kabok, duo pengemis ini lagi asik becawa 

Oden : "bok, kito ni lah lamo nian jadi pengemis, ngapolah masih bae dak tebeli mobel ye ?" 

Kabok : "Nah den, jangan tinggi igo khayalan tu..gek kau jatoh pulok..pacak makan sehari bae jadilah den..dak usah ngayal tinggi tinggi!"

Oden : " Iyo nian bok ye, bener uji kau tu, pacak makan sehari bae jadilah.."

Kabok : "Nah...iyolah pulok cak itu.."

Oden : "eh bok, tau dak kau..kalo ngomong soal kekayoan, aku ni sebenernyo maseh turunan wong kayo, pecayo dak kau bok..?"

Kabok tediem sambil masati kawannyo sikok ini..kalu lah gilo pulok kawannyo ini, pikir Kabok..

"Iyo nian apo den..,pecaknyo tambah tinggi bae omongan kau tu!"

Oden :"Nah..,dak cayo kau ye, tau dak kau, saking kayonyo keluarga aku dulu..hartonyo dak abes dimakan tujuh turan..!" 

Kabok tecengang " Mada'i nian den kau ni..?!"

Oden : " Nuhhhhh...maseh dak cayo kau.."

Kabok : "Gek dulu den..." Kabok masati lagi Oden yang pake baju jelek, kumel en dekil..pake sendal jepit beda warno pulok..nahh," Tapi ngapo kau maseh ngemis cak ini den..?!"

Oden : "Itulah masalahnyo bok..,ngapo aku maseh bae ngemis..,nak tau dak kau ngapo aku maseh galak ngemis?"

Kabok : "Ngapo nian den..,apo kau nak nyumputi identitas kau yang sebenernyo?"

Oden :"Bukan cak itu bok...masalahnyo aku ni turunan yang kedelapan..."

Kabok : nyambit pake kardus...dumbranggggggg!!!!! " Nak ngolake tulah kau ni yeee...!!!!!"

Tag : Humor Palembang