Humor Palembang | Oden Jadi Preman

16 Okt 2015

Bagikan :

Tweet

Wong PALI-

Nah..tengah hari panas preman terminal lagi beteduh galo. Namonyo bae preman, tengah hari panas maseh dak tahan tulah..wkwkwk

Siang itu Oden lagi seneng ati nian. Sudah seminggu dak rewang malak samo Somad, sekali betemu Somad, Oden cengengesan pecak wong kesurupan bae.

Somad : "Nohhhh....Lah datang pulo ce-es aku sikok ini.. oeyy apo kabar den lamo dak tejingok ni..?"

Oden : "Biaso baelah mad...ngendep bae di rumah..nak mutihke badan.."

Somad : "Nah..,awak lah item maseh takot item pulok kau ni den"

Oden : cengengesan sambil sesekali narik lengan kaosnyo kepucuk bahu..

Somad :"Ngapo den..kau...kujingok ari ini pecak dak tahan nian dengen panas?"

Oden : " Iyo mad, panas nian ari ini..aku nak buka baju baelah men cak ini panasnyo"

Oden buka baju. Padahal sebenernyo dio buka baju tuh nak mamerke tato baru di bahunyo. Somad yang tejingok barang baru di bahu Oden langsung nyeletuk.

Somad :"Oey den..pecaknyo ado yang baru di bahu kau tu..."

Oden :"hehehe..iyo mad..aku baru tatoan lagi kemaren"

Somad kagum :"Pakaaaaaamm tato kau den...betato dimano kau den?!"

Oden cengengesan : "Biaso bae mad...hadiah permen karet.."

Nahh...ati Somad panassss

Tag : Humor Palembang